नेता ज्यूलाई मेरो आग्रह
– चकेन्द्र राई
उहिले उहिले
भारतिय सेनामा भर्ती गरे जस्तै
समानुपातिकको नाममा
सांसदहरु भर्ती गरी
सांसद भवनलाई नै खुल्ला मञ्च वनायौ
ऐतिहासिक संविधानसभाको निर्वाचन गरी
अन्तत: जनताबाट तिरस्कृतहरु नै
मन्त्रि र प्रधानमन्त्रि भयौ
धन्य छ नेताहरु !!
नेपाल र नेपालीहरुलाई
अनि सिंगै विश्वलाई
एउटा अदभुत चमत्कार देखायौ
आफूले भने जस्तो भए
सिंङ्गै पृथ्वी जिते जस्तो गर्छौ
आफूले भनेजस्तो नभए
सर्वस्व लुटिए जस्तो गर्छौ
न देशको चिन्ता
न जनताको चिन्ता
धन्य छ विन्दास नेताहरु !!
कहिले,
नयाँ दुलाह-दुलही जस्तै
चाटाचाट गर्छौ
कहिले,
सौता-सौता र जारा जार जस्तै
काटाकाट गर्छौ
सिमापारीका राक्षसहरुले
नेपाली चेलिहरु वलात्कार गर्दा
मुख नखोल्ने ए! साधु नेताहरु हो
नेपाली भुमी मिचिदा
हल्ला मात्र हो भनेर जनता
ढाँट्न खोज्ने ए ! सुजाताहरु हो
अव त अति भएन र ?
देख्नेहरुलाई लाज लाग्न थाल्यो
यो नाङ्गो नाच नाच्न छाडी दु !!
गरिमामय संविधान सभालाई
रंगमञ्च नवनाई देउ !!
विन्ती छ नेताहरु
तिमीहरु जस्तो घिनलाग्दो नेताहरु
राजनितिबाट टाढा गई देउ !!
