काठमाडौं, १७ असार । धान दिवसमा अशोभनीय व्यवहार गरेको भन्दै सर्वत्र विरोध भएपछि कृषिमन्त्री हरिप्रसाद पराजुलीले राजीनामा दिनुभएको छ ।
असार १५ गते धान दिवसमा काठमाडौं मूलपानीको रोपाइँ कार्यक्रममा सहभागी महिलामाथि अशोभनीय व्यवहारको चौतर्फी विरोध भएपछि मन्त्री पराजुलीले एमाले अध्यक्ष केपी शर्मा ओलीमार्फत प्रधानमन्त्री सुशील कोइरालालाई राजीनामापत्र बुझाउनुभएको होे ।
उहाँले ओलीनिवास बालकोट पुगेर पदीय भूमिकाबाट अलग भएको जानकारी गराउनुभएको थियो । पदीय मर्यादाविपरीत अशोभनीय व्यवहार गरेको भन्दै पार्टीले फिर्ता बोलाउने संकेत गरेपछि उहाँले आज राजीनामा दिनुभएको बताइन्छ । एमाले शीर्ष नेताले हिजो छलफल गरी पराजुलीको व्यवहारले पार्टीको छविमा आँच पु¥याएको निष्कर्ष निकालेको थियो ।
सामाजिक सञ्जालमा मन्त्री पराजुलीको अशोभनीय व्यवहारको उछित्तो काढिएको थियो । यसैगरी, कृषिमन्त्री पराजुलीविरुद्ध नाराबाजी गर्दै विद्यार्थी संगठनले काठमाडैंको लैनचौरमा पुत्ला दहन गरेको छ । विद्यार्थी संगठनले मन्त्रीलाई कडा कारबाही माग गर्दै पुत्ला दहन गरेका हुन् ।