प्रधानमन्त्री नतान्याहु फेरी पनि वहुमत सिद्ध गर्न असफल, नयाँ सरकार गठनमा अन्यौल कायमै

द्वारा प्रकाशित गरिएको हो |
२०७८ बैशाख २२, मा प्रकाशित
अनुमानित पढ्ने समय : 2 मिनेट
फाईल तस्विर

ए१न्यूज इजरायल

इजरायली प्रधानमन्त्री बेन्जामिन नेतन्याहु फेरीपनि नयाँ गठबन्धन सरकार निर्माण गर्न असफल भएका छन् ।

दुई वर्षको अन्तरालमा चौथो पटक सम्पन्न संसदिय चुनावबाट पनि कुनै पनि पार्टीलाई बहुमत प्राप्त भएको छैन । १२० सदस्यिय संसदमा गत आम निर्वाचनमा ३० स्थानमा जीत हासिल गरी पहिलो पार्टी वन्न सफल प्रम नतान्याहुको लिकुड पार्टीलाई नयाँ गठबन्धन सरकार निर्माणका लागि  ४ मई मंगलवारको मध्यरातको समयसीमा तोकिए पनि प्रम नतान्याहुले त्यस अवधिमा  गठबन्धन निर्माण गर्न सकेनन्  ।  गत मार्च २३ यता संसदमा बहुमत हासिल गर्न सङ्घर्ष गरिरहे पनि यसपालि पनी नतान्याहु संसदमा वहुमत जुटाउन असफल रहे ।

प्रधानमन्त्री नेतन्याहूलाई नयाँ सरकार गठन गरी संसदमा बहुमत सिद्ध गर्न इजरायली राष्ट्रपति रुभेन रिभलिनले चार हप्ताको समयावधि दिइएको थियो । प्रधानमन्त्री नेतन्याहूले त्यसपछि आफ्ना विपक्षी र साना इस्लामिक अरब पार्टीसँग शृंखलाबद्ध छलफल गरे पनि कुनै सहमति जुटाउन सकेनन् । राष्ट्रपति रिभ्लिनले प्रधानमन्त्री नेतन्याहुलाई दिएको समयसीमा ४ मईको मध्यराति समाप्त भएको छ । प्रधानमन्त्रीले बहुमत सिद्ध गर्न नसके राष्ट्रपति रुवेन रिभ्लिनले नयाँ कदम चाल्नु पर्नेछ । बहुमत सिद्ध गर्न नसके पनि नेतन्याहुको प्रधानमन्त्री पद गइहाल्ने छैन । राष्ट्रपति रिभलिनले नेतन्याहूलाई अरु दुई साताको समय दिन सक्नेछन् । अथवा, राष्ट्रपतिले विपक्षीलाई सरकार बनाउन आमन्त्रण गर्न सक्नेछन र अन्य दलहरुले वहुमत जुटाएको अवस्थामा १२ वर्षयता पहिलो पटक नेतान्याहुको लिकुड पार्टी सत्ता बाहिर पुग्ने स्थिति सिर्जना हुन सक्नेछ भने कसैले पनि वहुमत जुटाउन नसकेको अवस्थामा पुन: २ बर्षको अवधिमा पाँचौं पटक आम चुनावमा जानुपर्ने अवस्था नआउला भन्ने पनि सकिने अवस्था छैन ।

राष्ट्रपति रिभ्लिनले आज (बुधबार) संसदमा विपक्षीको रुपमा देखिएका १३ दलका नेतालाई सम्भावित गठबन्धनका बारेमा छलफल गर्न आमन्त्रण गरेका छन्  । ति दलका नेताहरु मध्ये कसैले सहमति जुटाउन सके उनलाई राष्ट्रपतिले प्रधानमन्त्रीमा नियुक्त गर्न सक्नेछन्   । राष्ट्रपतिले संसदलाई नै नयाँ प्रधानमन्त्री छनौटका लागि जिम्मा दिएको अवस्थामा संसदले नयाँ प्रधानमन्त्री चुन्नेछ । यदि सबै विकल्पहरु असफल भए फेरि  संसदको चुनाव हुनेछ ।

लिकुड पार्टीले १२० सदस्यीय संसदमा ३० स्थान जितेको थियो । तर सरकार गठन गर्न कम्तीमा ६१ स्थान आवश्यक पर्दछ । राष्ट्रपति रिभलिनले गत महिना प्रधानमन्त्री नेतन्याहूले संसदमा ५२ जना सांसदको सहमति सहितको हस्ताक्षर प्रस्तुत गरेपछि प्रधानमन्त्रीमा पहिलो अवसर दिएका थिए । तर ४५ सांसदको समर्थन प्राप्त गरेका याईर लापिडलाई अब राष्ट्रपतिले दोस्रो मौका दिने सम्भावना बढेको छ ।

प्रतिक्रिया दिनुहोस

सम्बन्धित समाचार

ताजा समाचार

लोकप्रिय

एवान खबर बिसेष

गीतकार तथा सामाजिक अभियन्ता नबराज खड्का गौरीशंकर काठमाण्डौ सम्पर्क मंचको अध्यक्षमा सर्वसम्मत चयन

गीतकार तथा सामाजिक अभियन्ता नबराज खड्का गौरीशंकर काठमाण्डौ सम्पर्क मंचको अध्यक्षमा सर्वसम्मत चयन

यही भाद्र २९ गते,  शनिवार दोलखा जिल्ला गौरीशंकर गाउँपालिका स्थायी घर भै हाल काठमान्डौ रहेका नेकपा एमालेका आम नेता कार्यकर्ताहरुको काठमान्डौ तीनकुने स्थित रोयल ब्यन्केटको..