फाईल तस्विर

ए१न्यूज इजरायल

नेपाली राजदूतावास तेलअभिवले इजरायलमा गत विहिवार धार्मिक पर्व मनाउने क्रममा भागदौड मच्चिदा मत्युभएकाहरु प्रति गहिरो दुख प्रकट गर्दै मृतकका परिवारजनमा हार्दिक समवेदना प्रकट गरेको छ ।

दूतावासले कार्यालयको अफिसियल फेसवुक पेज मार्फत स्टाटस सार्वजनिक गर्दै इजरायलको उत्तरपूर्वमा रहेको माउन्ट मोरनको फेदीमा यहुदीहरुको चाड लाग-वाओमेर मनाउने क्रममा गत राती आफ्नो आफन्त गुमाउने पुगेका आफन्तहरुलाई सम्वोधन गर्दै गहिरो दुख व्यक्त गरेको हो । साथै दुतावासले घटनामा घाइतेभएकाहरुको सिघ्र स्वास्थ्य लाभको कामना समेत गरेको छ ।

गत बिहीबार उत्तरपूर्वी इजरायलको माउन्ट मरोनमा यहुदीहरुको धार्मिक पर्व लाग्भाओमेर मनाउने क्रममा मच्चिएको भागदौडमा ४४ जना इजरायलीको ज्यान गएको थियो ।

प्रधानमन्त्री बेन्जामिन नेतान्याहुले उक्त घटनालाई ‘ठूलो विपत्ति’ का रुपमा व्याख्या गरेका छन् । माउन्ट मेरोनको फेदीमा सो पर्व मनाउन हजारौंको संख्यामा मानिस उपस्थित भएका थिए । कोरोना महामारी सुरु भएयता ठूलो संख्यामा मानिसहरु पर्व मनाउन भेला भएको अन्तर्राष्ट्रिय सञ्चारमाध्यमले जनाएका छन् ।

गत वर्ष कोरोना महामारीका कारण उक्त धार्मिक समारोह मनाइएको थिएन । कोरोनाविरुद्धको खोप लगाएपछि इजरायलमा कोरोना लगभक नियन्त्रणको अवस्था रहेका काऱण यस वर्ष धार्मिक समारोह आयोजनाका लागि अनुमति दिइएको थियो ।

घटनाको प्रारम्भिक विवरणअनुसार मानिसहरु भेला भएको स्थानमा एउटा भौतिक संरचना भत्किएको थियो ।  स्थानीय संचार माध्यय हारेत्जका अनुसार केही मानिस सिँढीमा लड्न थालेपछि भागदौड मच्चिन थालेको हो । तर अधिकारीहरुले त्यतिबेला भागदौड नमच्चिएको दाबी गरेका छन् ।

भागदौडमा घाइते भएका ३८ जनाको अवस्था गम्भीर रहेको बताइएको छ ।