निषेधाज्ञाको मौका छोपी ग्राहक ठग्ने ३ व्यापारी कारवाहीमा

द्वारा प्रकाशित गरिएको हो |
२०७८ बैशाख १६, मा प्रकाशित
अनुमानित पढ्ने समय : < 1 मिनेट
फाईल तस्विर

वीरगन्ज : पर्सामा स्थानीय प्रशासनले बिहीबारदेखि एक हप्ताका लागि निषेधाज्ञा लगाउने भएपछि त्यसैको मौका छोपेर बुधबार वीरगन्जमा उपभोक्ता ठग्ने तीन व्यापारी कारवाहीमा परेका छन्।

वाणिज्य,आपूर्ति तथा उपभोक्ता संरक्षण कार्यालय वीरगन्जबाट खटिएको बजार अनुगमन टोलीले बिहीबार वीरगन्जको बजारमा छापा मारेर उपभोक्ता ठग्ने ३ पसलेलाइ कारवाही गरेको हो ।

तीनवटै पसल कारवाही गरी ७० हजार रुपैयाँ जरिवाना गरिएको वाणिज्य,आपूर्ति तथा उपभोक्ता संरक्षण कार्यालय वीरगन्जका सूचना अधिकारी दिलिप खङखत्वेले जानकारी दिए ।

उनका अनुसार पसलमा मुल्य सुची नराखी कारोबार गरेको वीरगन्ज १२ को नमन किराना गल्ला भण्डारलाइ ५० हजार रुपैयाँ खरिद बिल नदेखाएकाले वीरगन्ज १० घण्टाघरको रक्षा भण्डार र वीरगन्ज ९ को मा दुर्गा एण्ड पुनम बस्त्रलयलाई जनही १०/१० हजार रुपैयाँ जरिवाना गरिएको हो ।

वाणिज्य,आपूर्ति तथा उपभोक्ता संरक्षण कार्यालयका निमित्त कार्यलय प्रमुख जीतबहादुर भण्डारीको नेतृत्वमा खटिएको बजार अनुगमन टोलीमा जिल्ला प्रशासन कार्यलय पर्सा, जिल्ला प्रहरी कार्यालय पर्सा, वीरगन्ज उद्योग वाणिज्य सँघका प्रतिनिधि सहभागी थिए । आजको अन्नपूर्ण दैनिकले समाचार सम्प्रेसण गरेको छ ।

प्रतिक्रिया दिनुहोस

सम्बन्धित समाचार

ताजा समाचार

लोकप्रिय

एवान खबर बिसेष

गीतकार तथा सामाजिक अभियन्ता नबराज खड्का गौरीशंकर काठमाण्डौ सम्पर्क मंचको अध्यक्षमा सर्वसम्मत चयन

गीतकार तथा सामाजिक अभियन्ता नबराज खड्का गौरीशंकर काठमाण्डौ सम्पर्क मंचको अध्यक्षमा सर्वसम्मत चयन

यही भाद्र २९ गते,  शनिवार दोलखा जिल्ला गौरीशंकर गाउँपालिका स्थायी घर भै हाल काठमान्डौ रहेका नेकपा एमालेका आम नेता कार्यकर्ताहरुको काठमान्डौ तीनकुने स्थित रोयल ब्यन्केटको..