विप्लव समूह र सरकारबीच ३ बुँदे सहमति, कांग्रेसले सोध्यो खोई हतियार ?

द्वारा प्रकाशित गरिएको हो |
२०७७ फाल्गुन २१, मा प्रकाशित
अनुमानित पढ्ने समय : 2 मिनेट
फाईल तस्विर

काठमाडौं–सरकार र नेत्र विक्रम चन्द विप्लव समूहबीच तिन वुदे सहमतिपत्रमा हस्ताक्षर भएको छ । बिहीवार भएको सहमति अनुसार शुक्रवार दुबै पक्षले सहमतिपत्रमा संयुक्त हस्ताक्षर गरे । विप्लव समुह शान्ति प्रक्रियामा आउन सहमत भएको छ भने सरकारले विप्लवका माग सम्बोधन गर्ने भएको छ ।

सरकारसँगको सहमती अनुसार अब विप्लव समूह शान्तिपूर्ण राजनीतिमा आउनेछ भने सरकारले सो समूहमाथि लगाएको प्रतिबन्ध हटाउने र पक्राउ नेता कार्यकर्ताहरुलाई रिहाइ गर्नेछ । तर,नेकपा र सरकार विच भएको यो सहमतिलाइ भने नेपाली कांग्रेसले भने शंकाको नजरले हेरेको छ । कांग्रेस प्रवक्ता विश्वप्रकाश शर्माले विप्लवसंग भएको हतियार खोइ भनेर प्रश्न उठाएका छन् । सरकार र विप्लव समुहविच सहमति पत्रमा हतियारको वारेमा भने कुनै कुरा उल्लेख गरिएको छैन ।

३ बर्षदेखि भूमीगत राजनिति गरीरहेका नेकपा महासचिव नेत्रविक्रम चन्द विप्लव शुक्रबार सार्वजनिक भएका छन् । सरकारसंग शान्ति प्रक्रियामा आउने सहमतिसँगै विप्लव पूर्वी नवलपरासीको अमरापुरीमा सार्वजनिक हुदै शुक्रबार काठमाडौं आए । उनलाई प्रहरीले नारायणगढबाट स्कर्टिङ गरेर काठमाडौं ल्याएको थियो ।

काठमाडौं आएसंगै बालुवाटारमा प्रधानमन्त्री केपी शर्मा ओलीलाइ भेटेका विप्लवले दिउँसो २ बजे राष्ट्रिय सभागृह पुगी नेपाल सरकार र नेपाल कम्युनिष्ट पार्टीबीच सम्पन्न सहमतीमा हस्ताक्षर कार्यक्रममा सम्बोधन गरे । कार्यक्रममा केपी ओली नेतृत्वको सरकार र विप्लव नेतृत्वको नेकपाबीच सहमतिपत्रमा हस्ताक्षर भयो । सहमतिपत्रमा प्रधानमन्त्री केपी शर्मा ओली र नेकपा महासचिव विप्लवको उपस्थितिमा सरकारी टोलीको तर्फबाट गृहमन्त्री रामबहादुर थापा र विप्लव समूहका तर्फबाट खडकवहादुर विश्वकर्मा प्रकाण्डले हस्ताक्षर गरे ।

सहमतीपछि सम्बोधनका क्रममा विप्लवले सरकार र आफ्नो नेतृत्वको नेकपाबीच भएको सहमतिभित्र महान् आकांक्षा लुकेको बताएका छन् । उनले सरकारसँग तीन बुँदे सहमति गर्नुको उद्देश्यभित्र देशलाई आत्मनिर्भर, सुन्दर, स्वाभिमान बनाउने सपना रहेको बताएका छन् । यस्तै,महासचिव विप्लवले जनमसंग्रहको प्रस्ताव पनि गरेक छन ।

सभागृहमा आयोजीत कार्यक्रममा प्रधानमन्त्रीले सरकार र विप्लव समूहबीच भएको सहमतिपछि नेपालमा हिंसात्मक द्वन्द्व नरहेको बताएका छन् । उनले मुलुक शान्ति युगमा प्रवेश गरेको वताउदै महासचिव चन्दको एउटा निर्णयबाट मुलुकले ठुलो उपलब्धि हासिल गरेको वताए ।

सम्बोधनमा प्रधानमन्त्रीले विप्लव समूह राजनीतिक मुलधारमा आउनु फोर्स ल्यान्डिङ नभइ सेफ ल्यान्डिङ भएको भन्दै विप्लससंग रातारात नभइ लामो समयदेखिको वार्ताले सकारात्मक परिणाम दिएको वताए ।

प्रतिक्रिया दिनुहोस

सम्बन्धित समाचार

ताजा समाचार

लोकप्रिय

एवान खबर बिसेष

गीतकार तथा सामाजिक अभियन्ता नबराज खड्का गौरीशंकर काठमाण्डौ सम्पर्क मंचको अध्यक्षमा सर्वसम्मत चयन

गीतकार तथा सामाजिक अभियन्ता नबराज खड्का गौरीशंकर काठमाण्डौ सम्पर्क मंचको अध्यक्षमा सर्वसम्मत चयन

यही भाद्र २९ गते,  शनिवार दोलखा जिल्ला गौरीशंकर गाउँपालिका स्थायी घर भै हाल काठमान्डौ रहेका नेकपा एमालेका आम नेता कार्यकर्ताहरुको काठमान्डौ तीनकुने स्थित रोयल ब्यन्केटको..