मोरङमा बिप्लव समुहद्धारा एक शिक्षकको अपहरणपछि गोली हानी हत्या

द्वारा प्रकाशित गरिएको हो |
२०७७ मंसिर २३, मा प्रकाशित
अनुमानित पढ्ने समय : < 1 मिनेट
फाईल तस्विर

विराटनगर, २३ मंसिर । प्रतित्रन्धित नेपाल कम्युनिष्ट पार्टी विप्लव समूहले मोरङमा एक शिक्षकको अपहरणपछि हत्या गरेको छ । बिप्लव समुहले घरबाटै शिक्षकको अपहरण गरी जंगलमा लगेर गोली हानी हत्या गरेको प्रहरीले जनाएको छ ।

मिक्लाजुङ गाउँपालिका–१ बर्खेका ५४ वर्षीय शिक्षक राजेन्द्र श्रेष्ठको आज बिहान गोली हानी हत्या भएको मोरङका प्रहरी उपरीक्षक सन्तोष खड्काले जानकारी दिनुभयो । शिक्षक श्रेष्ठलाई बर्खे जंगलमा लगेर विप्लव समूहले हत्या गरेको एसपी खड्काको भनाई छ ।

प्रहरीका अनुसार आज बिहान सवा ६ बजेतिर चार–पाँच जनाको समूहमा आएका विप्लवका कार्यकर्ताले शिक्षकलाई घरबाट उठाएर जंगल लगेका थिए । घरदेखि करिब ३० मिनेट टाढा जंगलमा लगेर श्रेष्ठको हत्या गरिएको हो । सो घटनापछि त्यस क्षेत्रमा सुरक्षा व्यवस्था कडा गरिएको छ, प्रहरी परिचालन गरिएको छ ।

शिक्षक श्रेष्ठको टाउकोमा गोली लागेको एसपी खड्काले जानकारी दिए ।  विप्लव समूहले भने यसबारे अहिलेसम्म केही बताएको छैन ।

शिक्षक श्रेष्ठ स्थानीय सरस्वती आधारभूत स्कुलका प्रधानाध्यापक हुनुहुन्थ्यो ।

प्रतिक्रिया दिनुहोस

सम्बन्धित समाचार

एवान खबर बिसेष

अन्ततः फुट्यो नेकपा

अन्ततः फुट्यो नेकपा

काठमाडौं । सत्तारूढ नेपाल कम्युनिस्ट पार्टी (नेकपा)को मंगलबार छुट्टाछुट्टै स्थानमा बसेको दुई समूहको केन्द्रीय कमिटी बैठकले गरेको फरक फरक निर्णयसँगै पार्टी विभाजन भएको छ ।..