काठमाण्डौं, ३ मंसिर । चिनमा सम्पन्न मिस वल्र्डको ६७ औं संस्करण मिस वल्र्ड २०१७ को ताज मिस इन्डीया मानुषी छिलरले जितेकी छन् । २० बर्षे छिलरले ११८ जना प्रतिस्पर्धीलाई पछि पार्दै मिस वल्र्डको उपाधी जितेकी हुन् । उनी मिस वल्र्डको उपाधी जित्ने छंैटौ मिस इन्डीया बनेकी छिन् । अघिल्लो वर्षकी मिस वल्र्ड स्टेफनी डेल भलीले छिलरलाई मिस वल्र्डको ताज पहिराएकी थिइन् ।
त्यसैगरी फस्ट रनर अपको ताज मिस मेक्सिको एन्ड्रीया मिर्जा र सेकेन्ड रनर अपको ताज मिस इंङल्याण्ड स्टेपनी हिलले जितेकी छिन् । नेपालको प्रतिनिधीत्व गरेकी मिस नेपाल निकीता चण्डक टप ४० मा पुग्न सफल भएकी थिइन् ।
