– सजना गुरुङ्, हाल इजरायल
न खुलेर हाँस्न सक्छु न मन खुलेर रुन आज
सारा दु:ख एक्लै सहनु छ विदेशमा कसैको छैन साथ !
मन दुखी हुँदा रुने कोसँग आँसु छ आँखा भरी,
विदेशमा यो जीन्दगी बाँचिरहेको सजायसरी !!
धर्म नै गरें सधै मन दुकाउन चाहिंन कसैको कहिले,
फेरिपनि किन, पापीले जस्तै सजाय भोगिरहेछु अहिले !
दैव तिम्रो न्याय यही हो, काँडा राख्यौ गरिव कै बाटोभरी !
विदेशमा यो जान्दगी बाँचिरहेछु सजायसरी !!
विदेशिनु वाध्य थिएँ की, पैसाको मोहमा म आफै आएँ,
विदेशिको ईशारामा नाच्ने कठपुतली जस्तै म आज भएँ !
यो दुख भोग्नु पर्दा आफैलाई म धिक्कार्छु घरीघरी,
विदेशमा यो जान्दगी बाँचीरहेछु सजाय सरी !!
